Albana tregon si do e ndajë Ѕaimirin me motrën binjake

Sot ka nisur transmetimin në kanalin zyrtar në Youtube të RTV Klan dhe në televizionin Klan Plus, “Daily Love Story”, një program ku publiku do të njihet me të pathënat, prapaskenat dhe komentet e spektaklit Love Story, i cili startoi një natë më parë, duke thyer rekord shikueshmërie tek audienca.

Gazetarja e “DLS”, Xhesi Muça, ka intervistuar vajzat para se të ngjiteshin në skenë, për të zbuluar emocionet dhe komentet e tyre për konkurrentet e tjera, si edhe për Saimirin.

Ndërkohë, e pyetur se si do e ndajnë Saimirin me motrën binjake, Albana shprehet se kjo është diçka e re për to dhe do ishte e lumtur edhe nëse ai do të zgjidhte Silvanën.

“Ne jemi single të dyja, kemi shije të njëjta dhe djali është fizikisht i duhuri. Pse jo ta provojmë të dyja, kush ka fatin.

Kjo është hera e parë për ne, nuk është se ne shkojmë dhe flirtojmë me të njëjtin djalë, kshuqë do provojmë dhe ne veten dhe do shohim si do shkojë. Nëse ai zgjedh motrën time unë do jem aq e lumtur sa do të isha nëse do më kishte zgjedhur mua ose më shumë.

Ju nuk mund ta kuptoni, kush është binjak mund ta dijë, është shumë e fortë. Do ndihesha keq nëse do eleminohej motra por do vazhdoja rrugëtimin. Do luftoja deri në fund”, ka thënë Albana.

Daily Love Story transmetohet nga e marta në të premte në orën 18:20 livestream në Youtube në kanalin RTV Klan dhe në ekranin e televizionit Klan Plus! /tvklan.al