Fevziu: Ka ardhur koha që Shqipëria të ketë një presidente grua

Gazetari i njohur Blendi Fevziu thotë se Shqipëria duhet të zgjedhë një presidente femër, çka do të ishte hera e parë në histori.

Sipas tij, një presidente femër grua duhet të plotësojë të paktën një kusht, të mos jetë pjesëtare apo militante e Partisë Socialiste.

Ai solli si shembull Greqinë dhe Kosovën, shtet që ka patur dy presidente gra dhe tepër të suksesshme sipas tij.

“Ka ardhur koha që Shqipëria të ketë një grua, një femër presidente. Më e mira do të ishte grua, të mos ishte pjestare e PS apo militante e PS. Presidentja e Greqisë nuk ka qenë në politikë asnjë ditë. Kosova që ka pasur dy gra presidente, çfarë ka.

Ka dalë një presidente shumë korrekte gjatë kohës që ka qenë në detyrë. Që zoti Moisiu të bëhet president papë, unë nuk jam kundër. Por jemi në vitin 2022 dhe Shqipëria ka nevojë të hapet ndaj të rinjve dhe grave. Por maxhoranca i ka votat dhe kjo është e gjitha teatrale”, u shpreh Fevziu në emisionin “Të Paekspozuarit”.