Aksident i çuditshëm/ Makina përplas aligatorin, shoferit i ndodh e pabesueshmja

Një aksident i çuditshëm ka ndodhur në Lithia ku një makinë ka përplasur një aligator 3.3 metra të gjatë dhe si pasojë ka humbur jetën shoferi 59-vjeçar.

Aksidenti ndodhi pas mesnatës të së enjtes, sipas një deklarate nga Zyra e Sherifit të Qarkut Hillsborough.

John Hopkins po udhëtonte në Lithia, kur përplasi me makinë një aligator në rrugë.

Makina e tij doli nga rruga dhe përfundoi në kanal. Një shofer që kaloi rastësisht njoftoi ambulancën, por kur mjekët mbërritën shoferi kishte vdekur, ndërsa aligatori kishte ngordhur.

Florida dhe Luiziana kanë popullsinë më të madhe të aligatorëve në vend.

Në Florida raportohet se ka rreth 1.3 milionë aligatorë.