Më në fund shfaqet ministri rus Shoigu, pas 13 ditëve “i zhdukur”

Ministri i Mbrojtjes i Rusisë, Sergei Shoigu është paraqitur për herë të parë në media që nga data 11 mars.

Ai nuk ishte parë në publik për dy javë dhe nuk dihej nëse akoma ishte duke ushtruar detyrën e tij, pasiqë dyshohej se Vladimir Putin kishte shkarkuar ministrin në fjalë.

Ministri Shoigu është shfaqur në mbledhjen online të qeverisë ruse, raporton mediumi NEXTA, përcjell Gazeta Online Reporteri.net.

“Pas thashethemeve të gjata se Putini vendosi ta largonte përgjithmonë Shoigun, ata vendosën ta shfaqin atë në TV si pjesëmarrës në mbledhjen e qeverisë. Megjithatë, shikuesit vunë re çudira gjatë transmetimit. Kushtojini vëmendje këndit të sipërm të majtë”, shkruan medium NEXTA.

Zëdhënësi i Kremlinit, Dmitry Peskova, kishte thënë më herët se Shoigu ka një operacion ushtarak për të udhëhequr dhe nuk kishte kohë për aktivitete mediatike./Reporteri.net