Granatimet ruse shkatërrojnë fabrikën e hekurit dhe çelikut në Mariupol

Një deputete ukrainase pretendon se një fabrikë hekuri dhe çeliku në Mariupol – fabrika Azovstal – është shkatërruar nga granatimet ruse.

“Një nga fabrikat më të mëdha metalurgjike në Evropë u shkatërrua. Humbjet ekonomike për Ukrainën janë të mëdha. Mjedisi është i shkatërruar”, tha Lesia Vasylenko.

Vasylenko ndau një video me mesazhin e saj, në të cilën shihen shtëllunga të dendura tymi të zi që dalin nga fabrika, në periferi të qytetit të rrethuar.

Drejtori i përgjithshëm i Azovstal konfirmoi në rrjetet sociale se punimet e hekurit dhe çelikut ishin goditur, por nuk konfirmoi shkallën e dëmit.

Përpara luftës me Rusinë, qyteti port jugor i Mariupolit ishte një qendër për industrinë, si dhe për arsimin e lartë dhe biznesin.

Qyteti është përballur me bombardime nga trupat ruse, të cilët po rrethojnë portin e Detit të Zi.