Bora Zemani zbulon tatuazhin më të rëndësishëm, ja kujt i dedikohet

Bora Zemani ka zbuluar në Për’puthen se ka një tatuazh që i dedikohet personit më të rëndësishëm në jetën e saj, djalit. Ajo tregoi tatuazhin afër kyçit të dorës dhe thotë: “Dy flokë bore”.

Ndërsa një nga konkurrentët e programit të dashurisë tregoi se kishte bërë tatuazh këngëtaren e njohur, Dafina Zeqirin.

Emri i konkurrentit është Kristi dhe këtë gjë ai ia tregoi Alesjas, vajzës me të cilën ndodhej në takim. Në studio ai tha që nuk e ka përmendur si detaj pasi shumë njerëz e kanë gjykuar për veprimin që ka bërë. Nga ana tjetër vajzat e “Për’puthen” nuk e kishin edhe aq problem.

Gjatë bisedës Arjani tha me shaka që vetëm të dashurat mos t’i bëjnë tatuazh. Në atë moment Bora pyet Arjanin nëse ai ka tatuazh, por Arjani u përgjigj “jo” duke qeshur.

Të njëjtën pyetje i ka bërë edhe Laureta Borës, e cila u përgjigj:.

“Po kam. Unë i kam të gjitha me kuptim. Nuk paragjykoj asnjë si i bën tatuazhet, mund të pëlqejnë edhe gjëra të veçanta, të bukura thjesht për t’i patur në trupin e tyre pa patur ndonjë kuptim të veçantë, por unë gjithmonë zgjedh që tatuazhet e mia t’i kem të vogla por me kuptim shumë të madh.”