“Të lindur në vendin e gabuar”/ 21 foshnja të ardhur në jetë nga nëna surrogate bllokohen në Kiev, prindit jetojnë jashtë Ukrainës

Të paktën 21 foshnja të ardhura në jetë nga nëna surrogate, kanë ngecur një vendstrehim nëntokësor për bomba në Ukrainë.

Foshnjat po presin që prindërit e tyre biologjikë, të cilët jetojnë jashtë shtetit, t’i marrin në shtëpi, por lufta e ka bërë shumë të rrezikshëm udhëtimin e tyre, ndërsa rusët vijojnë bombardimet pa dallim..
“Është shumë e frikshme këtu. Të shikosh këto foshnja të pambrojtura, e vetmja gjë që mund të shpresojmë është që lufta të mbarojë shpejt”, thotë një infermiere e cila kujdeset për ta.

Leonard është një nga foshnjat që është strehuar nëntokë dhe së shpejti do fillojë një jetë të re me prindërit e tij në Gjermani.

“Është e tmerrshme. Duam që ta marrim në shtëpi, kur të jetë i sigurt”, tha Heka, nëna e Leonard.

Çifti kanë udhëtuar 12 orë me tren për të marrë të birin, që ende gjendet në vendet e evakuimit nëntokë në Kiev.